Pinatulan ni Senador Ping Lacson ang naging patutsada ni Senador Rodante Marcoleta sa kanilang Solid Bloc-11 na hindi man lang daw sila nagpakita ng protesta habang inaaresto ng awtoridad si Senador Jinggoy Estrada sa loob ng Senado.
Sa isang interbyu, maalalang sinabi ni Marcoleta na nakaramdam sila ng pangmamaliit nang sigawan ni Interior Secretary Jonvic Remulla si Senate President Alan Cayetano.
Ayon pa sa naturang senador, ni wala rin sa mga ito ang sumubok na sabihan si Remulla na hinay-hinayan ang pagsasalita o huwag sigawan si Cayetano.
Kaugnay ng pahayag na ito, sa social media post ni Lacson napatanong na lang ang senador kung kasalanan pa talaga nila sa minority bloc na hindi sila nagprotesta dahil sa naging pagsigaw sa Senate President.
Sa kabilang banda, kung tutuusin, laking pasasalamat pa nga raw nila na hindi 'binigwasan' ni Remulla si Marcoleta dahil sa inasal nito kahapon.
"So, kasalanan pa ng minority bloc na hindi nag-protesta dahil sinigawan ang Senate President natin? Actually, laking pasasalamat nga namin na hindi siya binigwasan ni Sec Jonvic dahil sa inasal niya kahapon. Damn your damdamin." sabi ni Lacson sa isang X post.
Sa huli, napasabi na lang din ang senador ng 'damn your damdamin'.
