Gumawa ng panibagong kasaysayan ang Filipino singer na si Matty Juniosa matapos siyang direktang makapasok sa finals ng Britain's Got Talent Season 19 sa pamamagitan ng Golden Buzzer kahapon, Abril 26, 2026.
Sa kanyang semi-finals performance, pinahanga ni Matty ang hurado at audience sa kanyang rendisyon ng Dream On ng Aerosmith, na nagpakita ng kanyang kahanga-hangang vocal range at kontrol sa matataas na nota.
Dahil dito, nakatanggap siya ng standing ovation mula sa mga hurado na sina Simon Cowell, Amanda Holden, Alesha Dixon, at KSI.
Tinawag pa ni Alesha Dixon ang kanyang pagtatanghal bilang isang “masterclass” at “effortlessly sensational,” na lalong nagpatibay sa kanyang puwesto bilang isa sa mga frontrunners ng kompetisyon.
Hindi ito ang unang Golden Buzzer ni Matty, matapos siyang unang mapili ni Simon Cowell noong auditions na nagdala sa kanya sa semi-finals.
Sa nasabing round, muling pinindot ni Amanda Holden ang Golden Buzzer, na nagbigay sa kanya ng direktang tiket patungo sa grand finals.
Sa kanyang patuloy na pag-angat, dala ni Matty ang bandera ng Pilipinas sa international stage, na nagpapatunay ng tunay na galing ng mga Pilipino na hindi lang pang local kundi pangbuong mundo.
