Ipatutupad ng Philippine National Police (PNP) ang umiiral na warrant of arrest laban kay Sen. Ronald "Bato" dela Rosa kung sisipot ito sa Senado sa panahon ng impeachment trial.
Ayon kay PNP Public Information Office Chief BGen. Allen Rae Co, mandato ng pulisya na arestuhin ang senador sakaling magpakita ito.
Si Dela Rosa ay may warrant of arrest na inilabas ng International Criminal Court kaugnay ng war on drugs.
Samantala, sinabi ni Co na nakahanda na ang komprehensibong security plan ng PNP para sa impeachment trial.
Kabilang dito ang paglalatag ng sapat na bilang ng mga pulis at pakikipag-ugnayan sa Senado at iba pang ahensya upang matiyak ang maayos at mapayapang pagdinig.
Aniya, wala rin silang namo-monitor na anumang validated threat na maaaring makaapekto sa pagdaraos ng impeachment trial.
