Nagbabala ang PNP - Supervisory Office for Security and Investigation Agencies sa mga private security personnel hinggil sa tamang pagsunod sa mga alituntunin ngayong election period.
Batay sa inilabas na memorandum advisory ng PNP-SOSIA, ipinagbabawal ang pagdadala ng armas at paggamit ng mga security personnel bilang bodyguard ng mga kandidato maliban na lang kung may pahintulot mula sa COMELEC.
Binigyang-diin ng SOSIA na dapat sumunod ang mga PSPs sa umiiral na batas at huwag magpagamit bilang "goons" upang manakot o pilitin ang mga botante na bumoto sa isang kandidato.
Magkakaroon din ng masusing inspeksyon ang SOSIA kasama ang iba pang PNP units upang tiyakin ang pagsunod sa mga regulasyon at sinumang lumabag ay maaaring mapatawan ng parusa, kabilang ang pagbawi ng kanilang lisensya.
Patuloy na nananawagan ang PNP sa lahat ng security personnel na manatiling professional at sumunod sa alituntunin upang matiyak ang mapayapang halalan.
