Kinumpirma ng Philippine Statistics Authority na dumarami ang kaso ng pre-teenage pregnancy sa bansa.
Ayon kay PSA Assistant National Statistician Engr. Marizza Grande ang pagtaas ng kaso ng mga batang edad 10 hanggang 14 na nabuntis noong 2023, at posibleng patuloy pa rin ito hanggang sa kasalukuyan.
Batay sa datos, naitala ang 2,113 batang ina noong 2020; umakyat ito sa 2,320 noong 2021; 3,135 noong 2022; at 3,343 noong 2023.
Dahil dito, binigyang-diin ng ahensya ang kahalagahan ng tamang edukasyon at paggabay ng magulang upang mapababa ang kaso ng pre-teenage pregnancies sa bansa.
