Tinanggal sa kanyang puwesto ang pulis na nag-viral matapos harangan ang isang fire truck sa Marikina, kahit pa nagkaayos na ang magkabilang panig.
Ang nasabing pulis ay pansamantalang inalis sa kanyang tungkulin, inilipat ng assignment, at sasailalim sa imbestigasyon alinsunod sa patakaran ng Philippine National Police.
Ayon kay Police Colonel Jenny DC Tecson, officer-in-charge ng Marikina City Police, inatasan din ang pulis na magsumite ng written explanation upang matukoy kung may sapat na batayan para sa posibleng pagsasampa ng kaso.
Nauna nang naglabas ang Land Transportation Office (LTO) ng show cause order laban sa pulis, pati na rin sa may-ari at driver ng fire truck, kaugnay ng insidenteng kumalat sa social media.
