Sa kanyang pagharap sa National Police Commission (NAPOLCOM), humingi ng paumanhin ang pulis na nanakit sa kanyang live-in partner na nag-viral sa social media.
Ang sabi niya, hindi niya raw alam kung paano niya nagawa yon.
Pero ayon kay NAPOLCOM Ralph Calinisan, tuloy pa rin ang kaso laban sa pulis.
Kinasuhan na siya ng criminal case ng PNP at nagsampa na rin ng kasong administratibo ang biktima sa NAPOLCOM.
Sabi ni Calinisan, hindi dapat tularan ang naturang pulis dahil isa raw siyang halimbawa ng bugok na pulis.
Hindi raw maaaring ang naka-uniporme ay nambubugbog ng babae.
Una nang sinabi ng Malolos City Police Station na mariin nilang kinondena ang insidente.
Hindi raw sila nagkulang sa paalala na laging rumespeto sa karapatang pantao lalo na sa mga kababaihan.
Humarap din sa NAPOLCOM ang babae pero tikom ang kanyang bibig.
