Dinisarmahan na ang isang pulis vlogger matapos masangkot sa kaso ng panggagahasa.
Ayon kay PNP Spokesperson BGen. Jean Fajardo, isinailalim na rin sa restrictive custody si PSMS Teejay Virtucio nitong January 10 sa Police Regional Office 4A.
Maliban sa dinidinig na kasong administratibo, sasampahan ng kriminal si Virtucio na may isa pang kasabwat na at-large.
Nananatili sa ospital ang biktimang teller sa sabungan sa batangas, dahil sa umano’y trauma sa insidente na nangyari nitong Disyembre.
Inulat ni Fajardo na lumabas na rin ang medico legal kung saan nagpositibo sa penetration ang katawan ng babae at trauma.
Hinihintay naman ng PNP ang resulta ng toxicology test para mabatid kung drinoga rin ang biktima.
