SENSITIBONG BALITA: Matapos pagsusuntukin, sakalin at kuryentehin ang isang lalaking may autism spectrum disorder sa loob ng bus, na nangagat ng kapwa nito pasahero, umaksyon na ang ilang ahensya ng gobyerno kaugnay dito.
Pinatawan ng tatlong buwang suspensyon ng Land Transportation Office (LTO) at Department of Transportation (DOTr) ang driver at konduktor ng bus na sinakyan ng biktimang si alyas 'Mark'.
Paliwanag ni DOTr Secretary Vince Dizon, hindi katanggap-tanggap na wala man lang ginawa ang driver at konduktor habang may sinasaktang pasahero sa loob ng kanilang bus.
Bukod dito, nakikipag-ugnayan na rin ang Department of Social Welfare and Development sa pamilya ng biktima para magbigay ng kaukulang tulang dahil sa inhumane o hindi makataong pang-aabuso na dinanas nito.
Dahil umano sa kondisyon ni Mark na tumakas sa pamilya nila sa Bulacan ng araw na iyon, takot ito sa maingay dahilan para kagatin nya ang isang pasahero sa bus na maingay na nagcecellphone.
Ito ang naging dahilan kung bakit siya binugbog at pinag-tulungan sa sinasakyan niyang bus.
