Humingi ng paumanhin ang Radio Caroline, isang dating pirate radio station sa Britanya, matapos nitong aksidenteng maibalita ang pagkamatay ni King Charles III nitong Martes ng hapon dahil sa computer error.
Ayon kay station manager Peter Moore, nag-trigger ang naturang pagkakamali sa protocol na inihahanda ng mga UK radio station sakaling pumanaw si King Charles III.
Agad naman silang nag-on-air apology matapos marehistro ang aberya.
Naganap ang insidente habang nasa Northern Ireland ang Hari kasama si Queen Camilla.
Nilinaw naman ng pamunuan na patuloy nilang sinusuportahan ang hari at humingi ng dispensa sa anumang pagkabahala na idinulot ng maling ulat.
