NAGA CITY- Naikot na ng Persons With Disability Affairs Office (PDAO) ang 15 na mga barangay sa Naga para sa pagrehistro ng mga may kapansanan, 12 pa ang pupuntahan. Pakiusap naman ng PDAO kung may namemeke ng ID sa lungsod tulad sa Maynila, isumbong sa kanilang opisina.
Ayon kay PDAO Head Atty. PJ Barrosa , maraming gustong mapabilang dahil sa mga pribilehiyo tulad ng diskuwento, pero dumaraan sa nararapat na screening ang mga nag apply. Doktor ang tumitingin kung pasok ba sa guidelines ng Department of Health sa pagtukoy sa kapansanan. Sa ngayon mayroon nang 8,800 na mga PWDs sa lungsod, lumalakas pa ang naturang sektor.
Samantala, hinihikayat ni Barrosa ang publiko na isumbong sa kanilang opisina ang simumang o kung mayroon mang namemeke ng ID para sa nararapat na penalidad. Sa Maynila may mga naarestong gumagamit ng pekeng PWD ID. Ayon sa Bureau of Internal Revenue hindi na lamang mabibili sa lansangan ang pekeng ID kundi pati sa online marketplaces. Ayon kay Barrosa ito ay porma ng pandaraya sa pamahalaan at sa kapwa.
