Pinuno ng mga bulaklak ang puntod ng yumaong Ateneo Blue Eagles basketball player na si Rene Baterbonia sa Talacogon, Agusan del Sur isang buwan matapos siyang pumanaw.
Matatandaang nalunod ang basketbolista kasama ang isa pa niyang teammate na si Divine Adili, isang Nigerian national, habang nasa isang team-building activity sa Aurora noong Hunyo 8.
Bumuhos ang suporta hindi lamang mula sa kapamilya at kaibigan ni Rene kundi pati na rin sa mga fans nito, at mula rin sa basketball community sa pamamagitan ng pagpupugay at pakikiramay online.
Samantala, may commemoration ceremony na inihahanda ang Talacogon Municipal Information Office upang alalahanin ang ika-40 araw na pagkamatay ng atleta sa July 18.
Nakipagkita na rin ang lokal na pamahalaan sa magulang ni Rene upang maisagawa ang programa.
Bukod pa riyan, magsasagawa ng live coverage ang LGU sa July 18 para sa mga tagasuportang hindi makadadalo.
Hanggang ngayon, patuloy ang paghingi ng hustisya ng pamilya ng atleta, habang hindi sila tumitigil sa pakikipagtulungan sa mga awtoridad.
