Ipinunto ni Senador Joel Villanueva na kabilang ang Mindanao sa nagbibigay ng malaking tulong pagdating sa pagpapaunlad ng bansa dahil sa kanilang food production, agricultural exports, fisheries output at strategic industries.
Kaugnay nito, iginiit ng senador na dapat lang maresolba agad ang mga problemang kinakaharap ng Mindanao ngayon matapos ang naging pagyanig ng lindol dito.
Anya, kung hindi ito agad maayos at mahahadlangan ang produksyon sa lugar ay tiyak na makakaapekto ito sa food supply, presyo ng mga pangunahing bilihin at maging sa overall economic activity ng bansa.
Kaya para makatugon sa problemang ito, naghain ng resolusyon si Villanueva na naglalayong utusan ang pambansang pamahalaan na gawin ang mga kinakailangan na hakbang para matiyak na may sapat na pondo para sa relief, rehabilitation, reconstruction at recovery ng mga komunidad sa Mindanao.
Layunin din ng resolusyong ito na magawa ang mga kinakailangang hakbang para sa makabalik agad sa normal na pamumuhay ang mga ito.
