Inisyuhan ng Land Transportation Office (LTO) ng pinakamabigat na administratibong parusa ang rider na nasangkot sa viral road rage incident sa Sampaloc, Maynila.
Binawi ng ahensya ang driver's license ng naturang rider at pinatawan ito ng habambuhay na pagbabawal sa pagkuha ng panibagong lisensya.
Mababatid na nagsimula ang insidente nang umano’y magmaneho ang rider sa gitnang bahagi ng kalsada at muntik nang makabangga ng isang motorista na nagre-record ng video.
Kalaunan, sinundan ng rider at ng kanyang angkas ang naturang motorista, bago umano ito hinampas ng helmet.
Ayon sa LTO, hindi nito kukunsintihin ang anumang uri ng karahasan sa lansangan at pananagutin ang mga motoristang lumalabag sa mga alituntunin ng ligtas at responsableng pagmamaneho.
