Binawian ng buhay ang isang bente dos anyos na rider matapos sumabit ang suot niyang kapote sa gulong ng kanyang minamanehong motorsiklo at bumangga sa isang van sa Antipolo City.
Batay sa imbestigasyon ng Antipolo City Police, sumabit umano ang laylayan ng kapote ng biktima sa likurang gulong ng kanyang motorsiklo.
Dahil dito, nawalan siya ng kontrol, at lumihis sa kabilang linya, bago sumalpok sa kasalubong na van.
Sa lakas ng impact, nagtamo ng matinding pinsala ang biktima at agad na isinugod sa ospital ngunit idineklarang ding dead on arrival.
Samantala, nasa kustodiya na ngayon ng mga pulis ang driver ng van habang pinag-aaralan pa ang posibleng kasong isampa laban sa kaniya.
