Umabot sa higit sa 200 na mga pamilya ang nawalan ng tirahan matapos sumiklab ang isang malaking sunog sa isang residential area sa sitio Talong, Barangay Paknaan sa Mandaue City, Cebu.
Sa tals ng lokal na pamahalaan ng lungsod, umabot sa 177 na mga bahay at establishment ang natupok ng apoy at isa naman ang partially damaged.
Umabot sa 244 na mga pamilya ang apektado o nasa 805 na mga indibidwal.
Nalaman na itinaas pa ang naturang sunog sa 4th alarm
Ayon kay Fire Officer 1 Niel Ian Amancio, ang fire investigator ng Mandaue City Fire Office, tinatayang nasa P3-million ang iniwang danyos ng sunog.
Sa kasalukuyan, patuloy pa ang isinagawang imbestigasyon ng mga bombero kung ano ang pinagmulan ng sunog at tuloy-tuloy rin ang profilign sa social welfare office sa mga fire victims.
Habang patay naman ang isang rider matapos itong bumangga at nadaganan ng rumespondeng fire truck sa Mandaue City, Cebu.
Ang biktima ay isang 23-anyos na lalaki na mula sa lungsod ng Lapu-lapu.
Makita sa kumakalat na video sa dash cam sa social media na malakas ang pagpapatakbo ng motorsiklo ng dumaan ang fire truck at sinubukan pa sana nitong huminto ngunit na-slide ito at natumba kaya ito ay nadaganan ng truck na siyang dahilan ng kanyang agarang pagkamatay. (WITH REPORTS FROM AIRES ATUEL-DEPOSITARIO - 90.7 BNFM CEBU)
