Iginiit ni House Infrastructure Committee chair Terry Ridon na hindi kuwalipikadong maging state witness ang mag-asawang kontratista na sina Pacifico “Curlee” at Sarah Discaya.
Paliwanag ni Ridon, hindi mangyayari ang mga payola kung wala sila, kaya kabilang sila sa pangunahing akusado kasama ang ilang opisyal ng DPWH at posibleng mga politiko.
Samantala, pinuna rin ni Ridon ang depensa ng Discayas na “napilitan” lamang silang magbigay ng lagay.
Aniya, matagal na silang kontratista mula pa panahon ng Aquino administration, kaya’t taliwas na sabihing noong 2022 lang sila nagsimulang magbigay ng komisyon.
Nauna nang nagbabala si Pasig Mayor Vico Sotto na hindi dapat pagkatiwalaan ang testimonya ng mag-asawa dahil tila nagsisinungaling lamang sila upang makalusot bilang state witness.
