Failed ang bidding para sa kontrobersyal na Rolls-Royce Cullinan (2023) ng mga Discaya dahil sa mataas na floor price na ₱45.3 milyon.
Ayon kay Atty. Chris Bendijo, Deputy Chief of Staff ng BOC, nakausap niya ang isa sa mga bidders na nagsabing mas “ideal” kung ibababa ang presyo sa P30 milyon.
Pangalawa itong ibinenta, pero wala ni isang bidder ang naglagay ng offer.
Paliwanag ni Bendijo, buyer’s preference pa rin ang susunod sa ganitong klase ng auction.
Sa pitong luxury vehicles na isinubasta, tatlo lamang ang nabenta.
Dahil dito, irerecompute ng komite ang floor price at target ng BOC na ibaba pa ang presyo ng hanggang 16% para sa mga hindi nabentang units.
Ikinukunsidera rin ng ahensya na ibenta ang mga sasakyan base sa kasalukuyang market price.
Sa loob ng limang araw, irerepublish ng BOC ang bagong floor price, at target nilang muling isubasta ang mga units sa loob ng dalawang linggo.
Hindi naman umano dismayado ang BOC sa resulta ng auction.
Bagama’t tatlo lang ang naibenta at hindi bilyon-bilyon ang nalikom, simula pa rin daw ito ng pagbabalik ng pera ng taumbayan.
