LUCENA CITY - Kalunos-lunos ang sinapit ng isang kakasilang pa lamang na sanggol matapos maipit sa kadena at gulong ng motor sa Barangay Rizal, Tagkawayan, Quezon nitong Miyerkules, Hunyo 25.
Ayon sa Tagkawayan MPS, bandang alas-6:55 ng umaga, papauwi na noon sa Del Gallego, Camarines sur ang mag-anak matapos isilang ang sanggol tatlong araw na ang nakakalipas nang mangyari ang insidente
Backrider noon ang mag-ina sa motorsiklo na minamaneho ng live-in partner nang lumaylay sa gulong ng motor ang kumot na nakabalot sa naturang sanggol.
Doon na nahulog ang sanggol at saka naipit sa gulong.
Nahirapan pa ang mga rescuer na alisin sa pagkakaipit ang sanggol ngunit nang maialis ay agad itong isinugod sa hospital subalit idineklara itong dead on arrival.
Sugatan din sa insidente ang nanay ng bata na dinala rin sa pagamutan.
