CAMARINES SUR - Inirereklamo ngayon sa Barangay Lamon sa bayan ng Goa, Camarines Sur ang pamemeste ng sandamakmak na langaw sa mga kabahayan malapit sa isang poultry farm.
Sa panayam ng Brigada News FM Naga kay Jenefer Alemania, ibinahagi nitong dati na nilang inirereklamo sa barangay ang poultry farm dahil sa amoy nito at langaw na namemerwisyo, ngunit ipinagkibit-balikat lamang at binigyang lamang umano sila ng pandikit.
Samantala, idinulog na ng BNFM Naga sa lokal na pamahalaan ng Goa ang reklamo at nangako ang alkalde na aaksyunan ito upang hindi na makaapekto pa sa kalusugan ng mga residente.
