Naniniwala si House Deputy Speaker Paolo Ortega V na may taglay na bentahe si Senador Chiz Escudero kaya't siya ang napaulat na napipisil ng Majority Bloc na magsilbing presiding judge sa impeachment trial ni Vice President Sara Duterte.
Sa isang forum sa Quezon City, sinabi ni Ortega na magaling na abogado si Escudero ngunit dagdag pa rito na kabisado niya ang impeachment rules.
Maaari naman aniyang ikonsidera ang ibang abogado tulad ni Senador Kiko Pangilinan, ngunit isa sa nakikitang dahilan kung bakit maugong ang pangalan ni Escudero ay dahil siya ang sumulat ng karamihan sa nilalaman ng implementing rules and regulations ng impeachment.
Binanggit din nito na nagkasagutan na sila ni Escudero noong 19th Congress dahil sa usapin ng katagang "forthwith", ngunit naresolba na ito ng Korte Suprema kaya maaaring iba na ang sitwasyon ngayon.
Dagdag ng House leader, quasi-judicial ang impeachment court kaya kailangan ding suriin ang kwalipikasyon ng uupong presiding judge.
Batid naman niya na may mga grupong hindi masaya na si Escudero ang pinalulutang ng mayorya, lalo't maaaring piliin ang hindi abogado.
Samantala, iginiit ni Ortega na mainam na masimulan na ang paglilitis kay Duterte dahil kalaunan.
