Kinwestyon ni Senador Erwin Tulfo ang awtoridad ng kampo ni Senador Alan Cayetano para magkasa ng kanilang Blue Ribbon Committee hearing bukas.
Ani Tulfo, kung maalala, kasabay ng pagluklok kay Senador Win Gatchalian bilang bagong SP Pro Tempore nitong June 3 ay ginawa ring bakante ang mga komite kung kaya't hindi na si Senadora Pia Cayetano ang chairman ng Blue Ribbon Committee, dahil siya na ito.
Sa isang post, maalalang nabanggit ni dating congressman Mike Defensor na matutuloy bukas ang kanilang Blue Ribbon Committee hearing pero imbis na sa loob ito ng Senado ikasa ay gagawin umano nila ito sa Doublegem EDSA Garden Events Place.
Humiling din ito sa publiko na suportahan ang di umano'y 'BRAVE 18' at ang karagdagan pang 14 na maleta boys na kanilang ihaharap.
Nang matanong ang senador kung ano kaya ang layunin ng pagdinig na ito, diretsahan niyang sinabi na posibleng para sa destabilisasyon ito.
Ayon pa sa kanya, sigurado rin siya na idadamay na naman sa pagdinig na ito ang pangalan niya at ng Pangulo.
Dagdag pa niya, maliban sa pangalan nilang dalawa, posibleng madamay na rin daw dito ang mga senador na hindi kaalyado ng Cayetano.
