Nilinaw ni Senador Kiko Pangilinan sa kanyang live sa social media na walang katotohanan ang mga kumakalat na impormasyong walang pananagutan ang mga menor de edad sa kanilang aksyon o krimen.
Kasama ang Juvenile Justice and Welfare Council, inilatag ni Pangilinan ang lahat ng tamang impormasyon hinggil sa RA 9344 o mas kilala sa tawag na 'Juvenile Justice Welfare Act of 2006'.
Ayon sa senador, base sa batas, kapag heinous crime/ karumaldumal na krimen ang ginawa ng isang menor de edad ay maari itong maharap sa isang taon o mahigit na involuntary confinement depende sa magiging progreso ng kaso nito.
Kaugnay nito, paulit-ulit niyang iginiit na hindi pupwedeng pakawalan na lang ng basta basta ang isang menor de edad.
