Nakabalik na ngayong hapon sa PNP General Hospital si Senator Rodante Marcoleta.
Ito'y matapos sumailalim sa medical evaluation sa UP Philippine General Hospital (UP-PGH) kaninang umaga.
Si Marcoleta ay muling sumailalim sa x-ray at 2D echo.
Dahil 'fit to travel' na si Sen. Marcoleta kung kaya't tuloy ang pagdadala sa kaniya bukas, July 14, sa Sandiganbayan.
Nabatid na inatasan ng Sandiganbayan 3rd Division ang PNP na dalhin si Marcoleta sa UP-PGH para masuri ang kanyang kondisyon.
Ginagamot sa PNP General Hospital ang senador dahil sa mild pneumonia.
Inaresto siya noong July 6 kaugnay ng kasong plunder na may kaugnayan sa umano'y hindi pagdedeklara ng 75 milyong pisong donasyon noong siya ay party-list representative pa.
