Itinuturing na magandang balita ni dating Committee on Energy, Chairperson, Senadora Pia Cayetano ang napaulat na paglagda ng Estados Unidos at Iran sa isang kasunduan upang wakasan ang matagal nang tensyon sa Middle East.
Kaugnay ng balitang ito, nanawagan ang senadora sa Department of Energy na bantayang maigi ang posibleng pagbaba ng presyo ng langis sa merkado.
Anya, mainam na magawa ito upang mapatupad agad sa bansa ang pagbaba ng presyong ito.
Ayon pa sa kanya, hindi na dapat pang maghintay ng bawat Pilipino ng mahabang panahon bago nila maranasan ang ginhawa.
Kamakailan, matatandaang nagsitaas ang presyo ng langis sa bansa matapos ang naging pagpapasara ng Strait of Hormuz dahil sa giyera ng dalawang bansa.
