Tinawag na 'nonsense' ni Senate Minority Leader Alan Cayetano ang nakaambang na non-bailable plunder case laban kay Senador Rodante Marcoleta.
Ani Cayetano, malinaw na panggigipit lang ito na may kasamang pa-chilling effects laban sa lahat ng mga tumutuligsa umano sa gobyerno.
Dagdag pa niya, mukhang ang gusto lang daw ng administrasyon ay matutok ang atensyon ng publiko sa teknikal na debate kung pasok ba sa kasong plunder ang ginawa ni Marcoleta.
Samantala, iginiit din niya na inaasahan na nilang haharap sila sa ganitong panggipit kahit hindi pa siya nagiging Senate President dahil may mga umuugong ng balita noon na haharap sila sa kaso kung hindi sila mananahimik.
