Binigyang-pugay ni Senador Bam Aquino sa kanyang social media post ang kanyang pinsan na si dating pangulong Benigno Simeon 'Noynoy' Aquino III.
Ayon kay Aquino, mula sa kanyang malalim na pagkakakilala kay PNoy, batid niya na araw-araw ay sineseryoso nito ang kanyang responsibilidad na ipinagkatiwala ng bawat mamamayang Pilipino.
Dagdag pa niya, dahil kay PNoy ay natuto rin ang maraming Piilpino na mangarap na posible pa ring magkaroon ng matapat na pamumuno dahil ang linya raw nito na 'kayo ang boss ko', 'tuwid na daan' at 'walang wang-wang' ay hindi lang basta naging slogan dahil ito ay kanyang ginawa.
Ayon pa sa senador, bagamat limang taon na ang lumipas ay nanatili pa rin sa kanya ang mga mahahalagang araw na iniwan nito katulad ng may halaga ang katapatan, may saysay ang pananagutan at ang tunay na pamumuno ay hindi tungkol sa kapangyarihan kundi sa paglilingkod.
Sa huling linya ni Aquino, sinabi nito na ang pangungusap na 'Mahal ka namin at miss ka na namin'.
