Ipagpapasa-Diyos na lang daw ni Senador Christopher 'Bong' Go ang lahat partikular na ang ulat na mayroong ICC arrest warrant laban sa kanya at sa 2 pang dating police officer.
Ani Go, sa buong buhay niya ay wala siyang nilabag na anumang batas ng tao o batas ng Diyos.
Ayon pa sa kanya, hindi rin kailanman naging parte ng kanyang mandato ang anumang bagay na may kaugnayan sa pulis.
Sa ngayon, umaasa ang naturang senador na hindi mapupulitika ang isyu rito.
Sa kabilang banda, tiniyak naman niya na makakaasa ang publiko na magpapatuloy lang siya sa pagseserbisyo para sa bawat Pilipino.
