Mga ka-Brigada, posibleng makaranas ng malakas na ulan at hangin ang ilang lugar sa bansa bunsod ng Severe Tropical Storm Domeng.
Sa 11am bulletin ng PAGASA, huling namataan ang bagyo sa layong 875 kilometro silangan ng Northern Luzon.
Taglay nito ang lakas ng hanging aabot ng hanggang 100 km/hr, at bugsong aabot naman ng 125 km/hr.
Sa pagtataya ng PAGASA, posibleng lumakas pa bilang isang typhoon ang bagyo.
Ang paglakas ng Southwest Monsoon at ng bagyo ay maaaring magdulot ng mga pag-ulan at malalakas na gale-force sa Visayas, Batanes, Cagayan, Pangasinan, Zambales, Bataan, Tarlac, Nueva Ecija, Bulacan, CALABARZON, MIMAROPA, Bicol Region, Zamboanga del Norte, Misamis Oriental, Camiguin, Agusan del Norte, Surigao del Norte, Dinagat Islands, Sarangani, Davao Occidental, at Davao Oriental.
Ayon sa weather bureau, kikilos ang bagyo pahilagangkanluran hanggang bukas, at liliko ito papunta sa direksyon ng southern Japan.
Hindi pa rin ito nakikitaan ng pagla-landfall sa Pilipinas.
Inaasahang lalabas ng Philippine Area of Responsibility ang Bagyong Domeng sa Lunes, June 1.
