Pinayuhan ng Simbahang Katolika ang publiko na iwasan ang pagsusuot ng nakakatakot o demonic na kasuotan tuwing Undas.
Sa panayam ng Brigada NewsFM Manila kay St. Joseph Shrine Quezon City Parochial Vicar Rev. Fr. Victor Angelo Parlan, idiniin nitong maaaring mag-anyaya ito ng negative energy at hindi angkop sa diwa ng paggunita sa mga yumaong mahal sa buhay.
Ayon kay Rev. Parlan, bilang alternatibo ay mas hinihikayat ng simbahan ang mga bata na magbihis bilang mga santo o banal na tao, na nagbibigay-diin sa kabutihan at kabanalan habang nananatiling masaya ang trick-or-treat.
Dagdag pa ng pari, kahit hindi makapunta sa sementeryo, puwede pa rin mag-alay ng panalangin at misa para sa mga mahal sa buhay.
