Idinagdag ng Cambridge Dictionary ang mahigit 6,000 bagong salita ngayong taon, kabilang ang mga slang na sumikat sa social media gaya ng “skibidi” at “tradwife”.
Ang skibidi ay unang lumabas sa viral YouTube animated series na Skibidi Toilet. Sa diksyunaryo, ito’y inilalarawan bilang isang walang tiyak na kahulugang salita na maaaring gamitin bilang biro, o para mangahulugang “cool” o “bad.”
Samantala, ang tradwife ay pinaikling “traditional wife” — tumutukoy sa isang babaeng nananatili sa bahay at gumaganap ng mga tradisyunal na tungkulin tulad ng pagluluto, paglilinis, at paminsan-minsan ay pagpo-post sa social media.
Ilan pa sa mga bagong salitang idinagdag ay "Delulu" na ang ibigsabihin ay pinaikli salita na "delusional", tumutukoy sa paniniwala sa mga bagay na hindi makatotohanan.
Ayon kay Colin McIntosh, lexical programme manager ng Cambridge Dictionary, patuloy na hinuhubog ng internet culture ang wikang Ingles.
