Inanunsyo ni US President Donald Trump na muling makadaraan sa Strait of Hormuz ang mga barko sa Biyernes.
Ito ay kasunod ng Washington-Tehran deal para tuldukan ang giyera sa Middle East.
Ayon kay Trump, nagsisimula na ulit gumalaw ang mga ships, at marami rito ay may dalang langis.
Kahapon ng gabi, napaulat na tatlong oil tankers at dalawang cargo ships na may dalang mga goods ang nakadaan sa area na dating naging subject sa US naval blockade.
Ang muling pagbubukas na ito ng pinakamahalagang oil route ay magsisilbing malaking hakbang para matigil na ang ilang buwang gulo at epekto sa ekonomiya ng US-Israeli strikes sa Iran.
