Subling naka-engkwentro sa mga tropa sa 58th Infantry Battalion, Philippine Army ang mga myembro sa New People’s Army nga giila nga sakop sa Sub-Regional Committee 1, sa kabukiran bahin sa Gingoog City atol sa hot pursuit operation batok sa grupo ni Alyas Jackem.
Gibutyag ni Lt. Mary Evangeline Duronio, Civil Military Operations Officer sa 58th IB, ang engkwentro milungtad og napulo ka minuto ug gibana-banang napulo ka rebelde ang nakigbaylu-ay og bala.
Narekober sa encounter site ang usa ka M16 rifle, long magazine para sa M16, mga bala, ug mga personal kagamitan.
Nasayran nga na trace ang lokasyon sa mga rebelde human nakita ang mga marka sa dugo atol sa unang engkwentro niadtong Hulyo 29, nga nagpasabot nga posible nga adunay casualty sa rebeldeng grupo.
