Patay ang hindi bababa sa 27 katao matapos magkaroon ng sunog sa isang beer hall sa Bangkok, Thailand.
Maliban sa mga nasawi, dose-dosena rin ang mga nasugatan sa insidente.
Kasalukuyan pang iniimbestigahan ng mga otoridad ang naging sanhi ng sunog.
Sinabi naman ni Bangkok Gov. Chadchart Sittipunt na susuriin ng mga imbestigador ang ceiling materials, at aalamin kung may mga emergency exits ba na siyang maaaring nakaapekto kung bakit hindi agad nakalabas ang mga tao.
Samantala, bumisita na sa pinangyarihan ng sunog ang ilang mga Buddhist monk upang mag-alay ng panalangin sa mga biktima.
