Another Pinoy pride!
Napili ang para table tennis athlete na si Lhey Marie Manginsay ng Zamboanga Sibugay bilang flag-bearer ng Pilipinas sa opening ceremony ng 2025 Asian Youth Para Games.
Gaganapin ito sa Dubai, United Arab Emirates sa Dec. 10.
Mababatid na lumaban sa 2025 ITTF World Para Future Taipei sa Taiwan noong Hunyo si Manginsay kasama si Jan Wildfreed Redulla, kung saan nila nakuha ang gold medal para sa bansa sa mixed doubles class XD17-Group 1.
Ayon kay Lhey Marie, nagpapasalamat siya sa pagpili sa kanya para dalhin at itaas ang watawat ng Team Pilipinas.
Isa umano itong karangalan at responsibilidad dahil dala niya ang pag-asa at istorya ng bawat atletang Pilipino, lalo na ang mga kabataang nangangarap na malagay sa parehong posisyon balang araw.
