Tatlong high-value drug suspects ang naaresto sa ikinasang buy-bust operation ng Police Regional Office 3 sa Barangay Del Pilar, City of San Fernando, Pampanga nitong Hunyo 10.
Kinilala ang mga suspek sa mga alyas na “Ambeth” mula Maynila, “Bert” mula Dasmariñas, Cavite, at “Nini” mula Taguig City.
Nasamsam sa operasyon ang tinatayang apat na kilo ng hinihinalang shabu na nagkakahalaga ng ₱27.2 milyon at mahigit dalawang kilo ng hinihinalang cocaine na may halagang ₱11.3 milyon, o kabuuang mahigit ₱38.5 milyon.
Narekober din ang ₱900,000 buy-bust money, mga cellphone, ID cards, digital weighing scale at iba pang ginamit sa iligal na transaksyon.
Nahaharap ngayon ang mga suspek sa kasong paglabag sa comprehensive Dangerous Drugs act of 2002.
