LUCENA CITY - Nasagip ng tatlong indibidwal mula sa iba’t ibang barangay sa Tayabas City ang tatlong Reticulated Python o sawa mula sa kanilang mga tahanan.
Kung saan natagpuan ng mga indibidwal mula sa Brgy. Silangang Palale, Mateuna, at Lakawan ang mga sawa na agad namang itinurn-over ng mga ito sa Tayabas City Environment and Natural Resources Office (CENRO) nitong Huwebes, Nobyembre 21.
Kaugnay nito, patuloy ang pagpapa-alala ng naturang ahensya sa publiko hinggil sa pagbabawal sa pag-aalaga ng mga ganitong uri ng hayop alinsunod sa Repubic Act No. 9147 o Wildlife Resources Conservation and Protection Act of 2001.
Sa ngayon, nasa pangangalaga na ng Tayabas CENRO ang mga sawa habang inaasikaso ang pagpapakawala sa mga nahuling sawa.
