Naging bahagi ng bilateral meeting nina Pangulong Ferdinand Marcos Jr. at Singapore Prime Minister Lawrence Wong ang makasaysayang kampanya ni Filipino tennis star Alex Eala sa Wimbledon.
Ayon kay Palace Press Officer Claire Castro, binati ni Wong ang Pilipinas at si Eala sa pag-ukit nito ng kasaysayan sa torneo at nagpahayag ng kumpyansa na sya ang magiging kauna-unahang Southeast Asian na makapag-uuwi ng Grand Slam title sa Wimbledon.
Sinang-ayunan naman ito ni Pangulong Marcos, habang kapwa kinilala ng dalawang lider ang naging inspirasyon ni Eala sa Southeast Asia.
Kamakailan lamang ay binigyan si Eala ng homecoming reception sa Malacañang, kung saan personal syang binati ni Pangulong Marcos at ginawaran ng Presidential Citation bilang pagkilala sa kanyang makasaysayang kampanya sa Wimbledon.
