Isiniwalat ng isang dating professor sa National University Manila (NU) na si Jose Mario de Vega ang umano'y hindi makatwirang kontraktwalisasyon sa pamantasan.
Sa panayam ng Brigada NewsFM Manila kay de Vega - kinwestyon nito ang umiiral na guidelines ng Commission on Higher Education (CHEd) na nagsasabing tatlong taon ang kailangang gugulin ng isang college faculty bago maging regular.
Ibig sabihin ito yung tinatawag na Manual of Regulations for Private Higher Education (MORPHE) — malayo sa itinatakda ng labor code na 6 months lang, regular ka na.
Dahil dito, nakatakda na silang magtungo sa National Labor Relations Commission (NLRC) para kuwestiyunin ito.
Aapela rin sila sa ilang mambabatas para marepaso na ang MORPHE.
Target din ni de Vega, kasama ang mga kasamahan sa Teacher's Dignity Coaliton (TDC), na makipagpulong sa bagong chairperson ng CHED.
Sinubukan namang makuha ng Brigada NewsFM Manila ang panig ng pamantasan pero wala pa itong tugon.
