Sinimulan na ng Southern Luzon State University (SLSU) ang imbestigasyon patungkol sa umano’y hindi angkop na kilos ng isang staff ng stall occupants sa canteen ng unibersidad sa isang babaeng estudyante.
Sa isang post, sinabi ng biktima na hindi komportableng hinawakan umano ng nasabing staff ang kanyang kamay habang inaabot ang sukli, na iniwasan na raw niyang gawin ang anumang pisikal na kontak.
Matapos ang post ng naturang ‘anonymous’ na biktima, unti-unti nang nagsisulputan ang mga nabiktima ng naturang staff kung kaya’t sinimulan na ng unibersidad ang mga kinakailangang hakbang upang maresolba ang isyu.
Samantala, kinondena naman ng Supreme Student Council Federation (SSCF) ang umano’y aksyon ng canteen staff kasabay ng pagtitiyak sa pagkakaroon ng masusing imbestigasyon sa mga alegasyon sa naturang isyu.
