Inanunsyo ni Pangulong Ferdinand Marcos Jr. na nakatakdang isagawa sa susunod na taon ang unang sounding rocket launch ng Pilipinas bilang bahagi ng pagsisikap ng pamahalaan na paunlarin ang industriya ng kalawakan sa bansa.
Sa kanyang State of the Nation Address (SONA), sinabi ng Pangulo na isasagawa ang rocket launch test sa pakikipagtulungan sa isang South Korean aerospace company.
Ayon kay Marcos, ang Cagayan ang napiling lokasyon ng proyekto dahil sa angkop nitong lokasyon at potensyal na maging pangunahing daanan ng bansa para sa mga aktibidad sa kalawakan.
Aniya, inaasahan ding dito itatayo ang kauna-unahang spaceport ng Pilipinas.
