Tiniyak ng Philippine National Police (PNP) na maingat nitong susuriin ang lahat ng bagong pahayag at testimonya kaugnay ng pagkamatay ng dalawang student-athlete ng Ateneo na sina Rene Baterbonia at Divine Adili sa Aurora.
Ayon sa PNP, lahat ng lumalabas na pahayag ay bahagi pa rin ng kanilang nagpapatuloy na imbestigasyon at hindi pa dapat pagbasehan ng konklusyon upang hindi maapektuhan ang kaso.
Kasunod ito ng mga bagong alegasyon mula sa isang babaeng nagpakilalang estranged wife ni Ateneo coach Tab Baldwin, na nagsabing dati na nilang binabalaan ang Ateneo tungkol sa kaligtasan ng mga estudyante.
Nagpaalala ang PNP na masyadong maaga pa para magbigay ng final findings at dapat hintayin ang resulta ng masusing imbestigasyon.
