Ikinalungkot ni Vice President Sara Duterte ang pagpanaw ng mga atleta mula sa Ateneo de Manila University na sina Rene Baterbonia at Divine Adili.
Sa interview sa kanya ngayong Independence Day, sinabi ni Duterte na pakiramdam niya ay kulang na kulang ang tugon ng Ateneo sa pangyayari.
Aniya, dapat mauna sa ganitong mga panahon ang pag-reach out sa pamilya at pagpapaintindi sa mga ito kung ano ang nangyari, at ano ang mga kailangan nilang gawin.
Dahil dito, palagay niya raw ay malaki ang pagkukulang ng unibersidad sa pagbibigay ng suporta sa pamilya lalo pa't hindi ito ordinaryong panyayari.
Sa huli, sinabi ni VP Sara nakikiisa siya sa paghingi ng hustisya sa sinapit ng mga student-athletes.
