Dumistansya si Vice President Sara Duterte sa mga balitang posibleng magtulungan sina Naga City Mayor Leni Robredo at Senador Risa Hontiveros sa 2028 elections.
Hindi man siya direktang nagkomento sa isyu, kinuwestiyon ng bise presidente kung may maayos pang bansa na pag-uusapan pagsapit ng 2028.
Aniya, nahaharap ang Pilipinas sa iba’t ibang suliranin tulad ng baha, problema sa ekonomiya, at korupsiyon, at iginiit na wala umanong maayos na trabaho ang pamahalaan.
Dagdag pa niya, kung may bansa pa aniya sa 2028, maaaring tumakbo ang sinumang kuwalipikado sa ilalim ng Konstitusyon at maghain ng kanilang certificate of candidacy.
