Patuloy na bumababa ang lebel ng tubig sa Angat Dam at papalapit na ito sa critical level, ayon sa datos ng PAGASA.
Batay sa monitoring ng PAGASA Hydrometeorology Division, nasa 161.33 meters na lamang ang water level ng Angat Dam.
Mas mababa ito ng 48.67 meters kumpara sa normal high water level nitong 210 meters.
Ang Angat Dam ang pangunahing pinagkukunan ng suplay ng tubig para sa Metro Manila at karatig-lugar.
Kapag sumadsad pa ang lebel nito hanggang sa 160-meter, posibleng maapektuhan ang suplay ng tubig at magkaroon ng malawakang water interruptions sa ilang lugar.
