Bagamat hindi kinumpirma ni Will Ashley ang estado ng relasyon sa nali-link sa kanya ngayong si Mika Salamanca, mas nagiging close naman daw sila sa isa't-isa at mas tumatatag ang samahan.
Matatandaang pinakilig ng dalawa ang mga fans pati na ang mga kasamahang celebrities dahil sa mga cute at sweet photos nila sa social media.
Ilan dito ay ang joint Instagram post na tila ginagaya nila ang dalawang fluffy bunny na nakasuot ng hugis prutas na sumbrero, at ang matching photos nila na naka-Thai school uniform sa kanilang Bangkok trip.
Samantala, pinuri ni Will ang pagiging dedicated ni Mika sa trabaho.
Umaasang din umano siyang magiging on-screen partner sila sa mga susunod na project.
