3 KA PASAHERO ANGOL HOMAN NASLIDE ANG BUS SA CUBAY

⁣Angol ang 3 ka pasahero sa pampasaheroang bus homan naslide pasado alas 4 sa kadlawon sa So.Cubay Brgy.Refugio Calatrava Negros Occidental.


Ang driver sa maong bus mao si Jaime Pason 35 anyos ug residente sa Purok PLDT Mambulak, Silay City.


Sumala pa ni hepe Pmaj. Wilfredo Benoman dihang nahinabi sa Brigada News Team samtang nagbayhe padulong sa dakbayan San Carlos kining maong bus kalit naslide matod pa ug niliko padulong sa katubhan.


Dugang pa ni Pmaj. Benoman nakaangkon ug minor injury ang tulo ka mga pasahero diin ang duha niini nakapauli na samtang ang usa nakatalanang ipa X-ray.


Nasayran nga nagsettle lay ang driver ug ang mga pasahero sa bus ug andam usab mutabang sa gastuhanan.