STREET LEVEL INDIBIDUAL NASIKOP SA KAPOLISAN SA BUYBUST OPERATION
Nasikop sa kapolisan ang usa ka street level indibidual sa gipahigayong buybust operation pasado alas 2 kagahapon September 25,2024 sa Rizal St. Brgy. 3, San Carlos City, Negros Occidental.
Naila ang nasikop nga si alyas Pinok, 55 anyos, ulitawo ug residente sa nahisgutang lugar.
Nakuha gikan sa possession ni alyas Pinok ang unom ka sachet sa gituhuang shabu lakip ang buybust item nga gibana-banang may gibug-atong 5.81 gramos nga mobalor ug 39,508.00 pesos,usa ka sling bag,usa ka open transparent sachet ug 500 pesos nga buybust money.
Sumala pa sa kapolisan kapin duha ka semana nilang gimonitor ang suspek nga miresulta sa pagkasikop niini.
Sa karon detinado na sa custodial facility sa San Carlos City Police Station ang dinakpan ug mag-atubang sa kasong kalapasan sa R.A.9165 kon Comprehensive Dangerous Drugs Act of 2002.
